دورة حياة الكنغر

 

اكيد كلنا شفنا كنغر وفي بالجراب الي عنده " جوي "
جوي : يعني اسم ابن الكنغر لما يكتمل نموه في الجراب ..^^
وهاد الاشي بخلينا ننجذب للنوع هاد عشان شكلو الروووعة ..^^



واصل الكنغر .. هو من تازمينيا .. وغينا الجديدة واستراليا ..
وهي تعتبر من اكبر الجرابيات في العالم ..^^

..

مرحلة الولادة :

اول اشي لازم نعرف انو في للكنغر 4 مراحل حياة ..^^
وبتبدأ من موعد الولادة ..
وبتنولد سبحان الله بشكل عجيب .. حجمها ما بتجاوز حجم حبة فاصوليا ..
يعني حجمها اقل من 2 سم او اكبر شوي يمكن اقصى اشي يوصل لـ 3 سم ..
و وزنها بكون اقل من 2 غرام ..
و بهالمرحلة العمرية بكون حجمو كتير صغير لدرجة انو الام ما بتقدر تلمسو حتى ..
ومن اروع المراحل الي بمر فيها الكنغر وهو بحجم حبة الفاصوليا ..
لأنو الام ما بتقدر تلمسو .. عشان هيك رب العالمين ..
عمل في غريزة انثى الكنغر انو اول ما تولد .. تعمل طريقة لأبنها عن طريق لعق الفرو ..
حتى يوصل لجرابها .. بدون ما تلمسو ..
وبعد ما الابن عمل رحلة طويلة حتى يوصل للجراب .. بالغريزة راح يمسك في حلمة الرضاعة الموجودة بالجراب ..
حتى يتغذى .. و بستمر ابن الكنغر في الجراب لمدة 8 - 10 اشهر .. و هو بتغذى منها ..


مرحلة جوي Joey Stage :

بعد ما بنمو ابن الكنغر في الجراب حتى يصير قابل انو يطلع خارج الجراب ..
يُسمى بهالمرحلة جوي ..
ولما يكون ابن الكنغر في الجراب قبل ما يوصل لمرحلة جوي ..
بتكون عضلات الجراب مشدودة وقوية .. حتى لما تتحرك ما يطلع من الجراب او يسقط منو ..
وبعد ما تحس انو ابنها وصل لمرحلة الجوي بحيث انو بقدر يطلع من
الجراب هالعضلات راح تسترخي ..
بحيث انو يقدر يطلع
وهي راح تخلي يطلع منو .. وهو برجع يدخل ..
بس بعدين راح توقفو عن الدخول للجراب لأنو ببطل يوسع ..

مرحلة جوي خارج الجراب :

وفي هالمرحلة العمرية من حياة الكنغر .. ممكن يوصل وزن الجوي من 50 - 70 باوند ..

و عادةً الاناث بكون وزنها اقل من الذكور وبكون لونها رمادي ..
و الذكور بكون لونهم احمر و بدرجات البرتقالي ..
وبهالمرحلة بكون الجوي لسا غير معتمد تماماً على نفسو لازم
يكون بجانب الام عشان يحصل على حماية ..
وغالباً الجوي ما بكون مرحب فيه من افراد المجموع وخصوصاً من الذكور البالغة ..
وعادةً بقتلوهم ..

الكنغرالبالغ :

وبتنتهي دورة حياة الكنغر لما يصير الجوي بالغ .. وبهالمرحلة بوصل وزنهم من 75 - 200 باوند
و الصفة الي بتميز فيها الكنغر عن باقي الحيوانات عضلة الارجل قوية .. بحيث ممكن
يقفز بارتفاع 8 اقدام .. ومسافة 30 قدم ..
والاناث بتبلغ بعمر 20 - 24 شهر .. و الذكور ببلغو قبل الاناث .. يعني تقريباً بعمر 15 شهر
و ممكن يعيش الكنغر لمدة 16 سنة في الاسر ..
اما اذا عاشو بالحياة الطبيعية وتخطوا مرحلة الجوي ممكن يوصل لـ 22 سنة ..
وبعدين بترجع دورة حياة الكنغر من اول وجديد ..




بس بتعرفو انو الاناث .. بتستمر كل حياتها وهي بتولد عشان تحمي نوعها من الانقراض ..^^
يعني بكون في جنين بالرحم + ابنها بالجراب + جوي ..
و بعدين لما يبلغ الجوي بطلع الي كان موجود بالجراب حتى يصير جوي .. وبعدين الجنين بصير ..
بالجراب ..^^
و كمان اذا انثى الكنغر ما كان في بجسمها
عناصر غذائية + ماء ممكن تخليها انو تفرز حليب + يعيش الجنين ..
بوقف نمو الجنين بالرحم .. حتى جسمها يستمد طاقة كافية حتى يرجع ينمو الجنين ..^^
عشان هيك الكنغر ممكن يعيش بدون ماء لمدة 10 ايام
بس طبعاً ما بكون مات الجنين .. بكون لسا عايش بس متوقف نموه ..^^
و حتي وهي حامل بتتزاوج .. و بتخزن الحيوانات المنوية بجسمها ..
حتى تولد وتحمل على طول ..^^
بدون راحة ..
وكمان لما يطلع الجوي من الجراب .. بكون يرضع ..^^
من الجراب لأنو في حلمتين للرضاعة وحدة للجنين بكون ماسك فيها وبرضع دائماً منها و وحدة للجوي برضع لما يجوع


صور للمراحل العمرية ..^^































بعدين ارجعو شوفو الصور من اول وجديد ..^^

,



فعلاً حيوان غريب
انا الصراحة استغربت كتير لما شفت برنامج عن حياة الكنغر ..
سبحان الله ..