نا المرا التونسية بنت الصحراء والجبل ... الزيتون والقمح والنخل عليسة من دمي والسيدة المنوبية... عزيزة عثمانة والجازية الهلالية خالتي حبيبة ...فاطمة الفهرية ... بشيرة بن مراد والكاهنة البربرية نا المعلمة... الطبيبة... الفلاحة... الخدامة... الفنانة... الفرملية نا الي نلعب الخيشة تحت الرجلين الضايعة في الثنية في كل بقعة تلقاني...
في الدار في السوق في الخدمة في السبيطار في التران في الكار في المستوصف تلقاني في الشرطة في البلدية انا المرا التونسية ولدت وربيت الطفل والبنية وقفت قدام البارود والرصاص قدام الظلم والقهر والديكتاتورية نا المرا التونسية حبيت الراجل وزينته بالرجولية ... ربطني سلسلني ... منامتي لا تفسخت لا تمحت من بين عيني علاش نا نعلي في مقدارك وانت توطي بي؟ علاش نا ندز بيك لقدام وانت توخر بي؟ تونس بلادي... ارضي ... لقشة من السماء فوق الوطا محروسة محضية ونبوس ترابها مخلط بعضام جدودي واهلي وامليا
Aucun commentaire:
Enregistrer un commentaire